სჯობს აღიარო, რომ არ გიყვარს ქვეყნად არავინ, თუ დასაღუპად საკუთარი თავიც გასწირე, ბევრმა გაჩუქა სიყვარული დაუფარავი, მაგრამ შენ თვითონ ტრფობა არვის გაუნაწილე. დაგუფლებია ბოროტების გრძნობა საზარი, თითქოს გახარებს საკუთრი სულის გოდება, გინდა დალეწო სილამაზის წმინდა ტაძარი, შენი მარჯვენით განახლებას რომ ელოდება. მაგრამ გონს მოდი, სიყვარული სამტრო რად არი? სიძულვილი თუ არ განდევნე, ცოდვას დაიდებ, დე, სულიც გქონდეს მაგ ლამაზი სახის სადარი, და, სხვა თუ არა, შენი თავი მაინც დაინდე. ასე თუ წახველ, ჩვენს მომავალს რაღა დარჩება? შვილი დასტოვე სილამაზის გადასარჩენად.
