ითმინა, ითმინა და ვეღარ მოითმინა... გასკდა და გადმოღვარა მთელი თავისი დარდი წვიმის სახით... საოცრად წვიმს... ძაღლი გარეთ არ გაიგდება, ისე წვიმსო, - უფროსები იტყოდნენ. ცუდი შედარებაა..ისე ლამაზად წვიმს, ისე რომ, როგორ შეიძლება ასეთი გამონათქვამი გაგახსენდეს. რაღას აღარ იტყვიან ადამიანები.
კოკისპირულად წვიმს. ზეცა ჩამოიქცევა სადაცაა.. გრუხუნებს და მოთქვამს. ვინ იცის, რა აწუხებს ცას, რას მოთქვამს და რას დარდობს. არადა რა ლამაზად წვიმს. როგორ მინდა ახლა გარეთ გავიდეთ და გიჟებივით ვირბინოთ წვიმაში. დავსველდებით, სულ დავსველდებით და ასე გალუმპულები ავიდეთ სახლში. გავცივდებითო, ალბათ ახლა ფიქრობ. რა დაშავდება ამით, ვინ არ გაციებულა?!. ისევ წვიმს, ისევ წვიმს... ხალხი ქოლგებით დადის და უკმაყოფილებას გამოთქვამს. არ იციან წვიმის ფასი. . . როგორი მშვენიერია წვიმა , როგორი მშვენიერი.. იცი, ძალიან მიყვარს წვიმა.. და... და შენც ძალიან მიყვარხარ.. ძალიან... =)
